හෝරාව මැදියම් රෑ දොළහටද ආසන්නව තිබේ. මම සියප්පච්චි විසින් මට ලබා දුන් බොහෝ පැරණි පුස්තකයද අතින් ගෙන මේසයට වීමි. මේස ලාච්චුවේ මලානික ආලෝකය යටින් එය දිග හැර කියවන්නට පටන් ගතිමි. 

බෙහෙවින්ම දිරා කහ දුඹුරු පැහැයට ලං ව ඉරි ගැලවී යන තරමටා අබලන් වූ එහි පිටු පෙරලීම වුව බොහෝ අර පරෙස්සමට ආයාස දරා කළ යුත්තක් විය. ඉතිඉන් මම කියවන්නට පටන් ගතිමි.

එය යටත් විජිත කාලය තුල අප රටෙහි ජීවත් වූ හෙන්රි රිචඩ්සන් නම් වූ සුදු ජාතික මහතෙකු විසින් දීර් ඝ ව තැබූ සටහන් රාශියක් විය. 

එතෙකින් මා ඉදිරියේ සෙමෙන් සෙමෙන් සෙමෙන් දිග හරි ගියේ මා ද මගේ නෑ සොයුරු හිරාන් ද මගේ පෙම්වතා වන ඇඩම් ද සම්බන්ධ අතිශයින් විශ්මයවාහ කථා පුවතක් ය. මෙය අපගේ පෙර ආත්මය පිලිබඳ කථා පුවතයි. එහි එකදු වදනක් හෝ වෙනස් නොකරමින් මම දැන් ඔබ ඉදිරිහි තබමි.