ඔව් ඒක මායාකාරී ප්‍රේමයක්
___________________________
වවුලන් නවාතැන් ගත්ත
සිත් බෝඩිං කාමරයක
දොර කවුළු බලෙන් විවර කළ
අළුපැහැ මතක මීදුම
අපුල දනවන වියරු සැමරුම්
ගසාගෙන රැගෙන ගිය
මායාකාරී සුළඟ එය
ඉබාගාතේ පැමිණ ලකුණු කළ
නොයෙක විරූපී පිය සටහන්
ඇඳ පාමුල නොමැකීම පැවතුන
බිඳකුදු  නොතියා සෝදා රැගෙන
පිලීගඳ පවා ඉවසන
යටැසින් හැරි හැරී බලන
මායාකාරී ගංවතුර එය
අඳුරු ලෙන ගුහාමය ජීවිතය
නිමා කළහැකිය, කියවන
හරිතප්‍රද නිපදවා ඇතුලත කැකුණ තෙල් දල්වන
අලුත් දළු  ඇඳුම් ගෙන හැඩ බලන
රැවුල් කොණ්ඩා වියලන
මායාකාරී හිරුඑළිය එය
රාස්බෙරි පානය ඉල්ලන
දිවවිත් අතේ එල්ලෙන
අළුපාට ඇස්පතුල නරඹන
සඳඑළිය පපුව තුල දියකර
නැවතුන හද මසාජ් කරවන
සුමුදු අත්ලක් හිමි
මායාකාරී ප්‍රේමයකි එය.