සමාජ විද්‍යාව පිළිබද උනන්දුව වැඩි දියුණු වෙමින්, අනෙක් සමාජ ශාස්ත්‍රයන් අතර එහි වැදගත්කම ඉස්මතුව පෙනෙන යුගයකට අපි එළඹ සිටිමු. විශ්වවිද්‍යාල ක්ෂේත්‍රයෙන් පරිබාහිරවද විවිධ රාජ්‍ය සහ රාජ්‍ය නොවන සංවිධානයන්ට සිය ව්‍යාපෘතීන් සදහා සමාජ විද්‍යාව විෂයක් ලෙස වර්ධනය වී වඩාත් ජනප්‍රිය විෂයය ක්ෂේත්‍රයක් බවට පත්වෙද්දී ඒ පිළිබද ලියැවුණු සිංහල පොතපතද වැදගත් බව අමුතුවෙන් කිව යුතු නැත. සමාජ විද්‍යාවේ මූලික සංකල්ප නම් මෙම කෘතිය සිංහල පාඨකයන් වෙතට සමාජ විද්‍යාව රැගෙන යාමට පුරෝගාමී වූ අගනා කෘතියකි. මෙම විෂයය හදාරණ සිසුන් අතරින් මෙම කෘතිය පරිශීලනය නොකළ අයෙකු ඇතැයි මම නොසිතමි.