හාවැට දිගේ ගෙදර බලා
( Follow the Rabbit-Proof Fence - Doris Pilkington | Nugi Garimara )
- සේනානී ධර්මරත්න

ඕස්ටේ‍්‍රලියානු රජය තමන්ගෙන් ඇබරිජීනු ජන සමාජයට සිදු වූ අනර්ථය වත්මනෙහි පිළිගෙන තිබේ. ඔවුහු එය නිවැරැදි කිරීමේ උත්සාහයක නිරත වෙති. සිය අපරාධී බව පිළිසකර කරනු වස් මැයි 26 වන දින ජාතික සමා දිනය ලෙස නම් කර 1998 වර්ෂයේ සිට ඔවුහු එය සමරති. එදින ස්වදේශී ජනයාට තමන් වෙතින් සිදු වූ අනර්ථය සිහිපත් කර කනගාටු වෙති. මේ කුමක් සිදු කළ ද ස්වදේශිකයන්ගේ භූමියෙහි අයිතිය උදුරාගෙන, උන් හිටි තැන් අහිමි කර මුළු ජන සමාජයක් ම විනාශ කර දැමූ පාපයට වන්දි ගෙවන්නට කිසි දිනෙක ඔවුන්ට හැකි වනු ඇතැයි මම නොසිතමි.