අකෙබොනෝ ගෘහ සේවා ඒජන්සියෙ සේවිකාවක් වන ඇයට, මේ වතාවේ බලාකියා ගැනීමට පැවරෙන්නේ අපූර්වතම පුද්ගලයෙකි.

දැනටමත් ඔහුගේ කාඩ්පතේ නිල් තරු නවයක්ම සටහන්ව ඇත!

අනතුරකින් මතකය අහිමිව ගිය ඒ මිනිසා නීරස, හුදෙකලා දිවියක් ගෙවන මහලු ගණිතඥයෙකි. නමුත් ගණිතය කෙරෙහි ඔහුගේ ඇති අනුරාගය නම් ඔහු කෙරෙන් කිසිදා පලා ගියේ නැත. ඔහු ජීවිතය තුළ සියල්ල දකින්නේ සංකීර්ණ ගණිත සමීකරණ ඔස්සේයි.

ඇය ගන්නේ මෙවන් මිනිසෙකුගේ වගකීමයි. පෙනෙන හැටියට එක කිසිසේත් පහසු කටයුත්තක් නොවේ.

කෙසේ වුව සියලු දුෂ්කරතා අභිභවා ඇයත්, ඇගේ කුඩා දරුවාත්, මේ අපූරු මහල්ලාත් අතර සෙනෙහසෙන් පිරුණු මිත්‍රත්වයක් දලුලෑමට අවැසි මහා පොදු සාධක ඈ සොයාගන්නේ මහත් ඉවසීමෙනි.

අවසානයේ මේ කුඩා කතාවෙන් කියන්නේ මිනිස් සෙනෙහසේ උණුසුමට සියල්ල වෙනස් කළ හැකි බව නොවේද? කරුණාවෙන් පිරි, ජීවිතයේ ක්ෂුද්‍ර මොහොතකට පවා...

බේස්බෝල් තරගයකට, උණුසුම් ආහාර වේලකට, පුංචි තෑග්ගකට... දායාබරිත මිත්‍රත්වයක් අරභයා කළ හැකි දෑ බොහෝ බව නොවේද?