ස්වාභාවික ලෝකයෙහි සමතාවය පවත්වා ගෙන යාමට උපකාර වීම ව්‍යාඝ්‍රයාගේ කාර්යය වේ. සාගින්න නිවාගැනීමට ගොදුරු නොමරා බැරි නිසා කිසියම් ව්‍යාඝ්‍රයෙකු ඉදහිට මිනිසකු මැරුවත්, ව්‍යාඝ්‍රයන් විසින් මරා කන ලදැයි කියන ගව සංඛ්‍යාවෙන් සියේට දෙකක් පමණ ගවයන් ව්‍යාඝ්‍රයන් විසින් ම මරණ ලද බව ඇත්ත වුවත්, මුළු ව්‍යාඝ්‍ර සංහතිය ලේ පිපාසිත කුරිරු සතුනැයි හංවඩු ගැසීම යුක්ති සහගත නොවේ. ඇරුත් ව්‍යාඝ්‍රයා ගවයන් මරන්නේ උගේ ස්වාභාවික ආහාරය මිනිසුන් විසින් නිර්දය ලෙස වදකර දැමීමෙන් පසුය.