මෙම කෘතියේ ලේඛකයා වූ මහාචාර්ය චෞ අර්ලියූ,චීන විප්ලවයේ සම නායකයා වූ චෞ එන්ලායි ගේ ඥාති පුත්‍රයාය.චෞ අර්ලියූ කුඩා කාලයේ සිට ම හැදී වැඩුනේ චෞ එන්ලායිගේ හා ඔහුගේ බිරිඳ වූ ඩෙන් යින්චාවෝගේ සෙවනැල්ල යටතේය.චෞ අර්ලියුට,චෞ එන්ලායි තම පියා ද මිත්‍රයා ද විය.චෞ අර්ලියු තම විශ්ව විද්‍යාල අධ්‍යාපනයෙන් පසුව සමාජ විද්‍යා පර්යේෂණ හා සංවර්ධන අධ්‍යනය කේන්ද්‍රයේ අධ්‍යක්ෂ ලෙස ද,බීජින් විශ්ව විද්‍යාලයේ උපකුලපති ලෙසද,නක්කායි චෞ එන්ලායි අධ්‍යන කේන්ද්‍රයේ උපදේශක මෙන්ම පර්යේෂකයෙක් ලෙස ද ක්‍රියා කළේය.එහෙයින් චෞ එන්ලායි නම් වූ විශිෂ්ට මිනිසාගේ චරිතාපදානය රචනා කිරීමට සුදුසු ම තැනැත්තා වන්නේ මහාචාර්ය චෞ අර්ලියු බව සැකයෙන් තොරව සඳහන් කළ හැකිය.මෙම ග්‍රන්ථය චෞ එන්ලායි පිළිබඳ මෙතෙක් ලියැවී ඇති සුන්දර ම චරිතාපදානය වේ.