''කොහෙද ඉන්නේ?''

''ඇයි අහන්නේ...''

සිත රිදුනු තරමටම මම නිහඬ වීමි.ඔයා දන්නව ද? දැන් ඔය ප්‍රශ්නෙ මං ඔයාගෙන් ඇහුවනම් ඔයා මට දෙන උත්තරේ ඕක..''ඔහු හැඟීම්බරව වචන පිට කළේය.ඒ වචනයක් ගානෙම දුරකථනය කම්මුලට තෙරපුනි.මට ඒ වචන දැනුණු තරම්ය.''ඔයා එහෙම අහන්න කව්ද.ඇයි අහන්නෙ.මොන අයිතියකට ද කියලා..ඔයා මට කියයි..''

''මන්දාර'' මිනිස්සු බැඳීම් පවරන්නේ...ඒ බැඳීම් වල අයිතිය පවරන්නේ හැඟීම් වලින් මන්දාකිනි. හැඟීම්වලට එකිනෙකාට බැඳිලා ඉන්න මිනිස්සුන්ට කිසිම දේකට අයිතියක් පවරන්න කොලේකට සීමා වෙච්ච අයිතියක් ඕන වෙන්නෙ නෑ.මට ඔයා ගැන තියෙන්නේ එහෙම අයිතියක්..''