ඔහු වනයෙන් පිටතට විත් පැතලි ගල් තලාව හරහා ඇවිදින්නට විය.නිහඬ රාත්‍රිය හේතුවෙන් ගල් පොළොව මතට ගැටෙන ඔහුගේ සපත්තු හඬ රයිෆල් වෙඩි හඬක් මෙන් ඇසෙන්නට විය.ඔහුට නරක සිහිනයක සිටිනා මිනිසෙකු පාපන්දු පිටියක් හරහා නිරුවතින් ඇවිදින්නාක් මෙන් කුඩා හා පිටතට නිරාවරණය වූ වගක් දැනුණි.අවට කඳුකරය දිස්වූයේ විශාල පිරිසක් ක්‍රීඩාංගනයක අසුන් ගෙන නිහඬව ඔහු දෙස බලා සිටිනා ආකාරයකි.ඔහු ගල්ගොඩක් පිටුපස නතර වී නැවතත් වටපිටාව හොඳින් සවන් දුන්නේය.ඔහුගේ අඩි ශබ්දයේ දෝංකාරය නිහැඬියාවට ගලා ගොස් මියැදුණි.ඔහුට කිසිවක්ම නෑසුණි.