නබකෝව් ගේ ප්‍රථම නවකතාව වන 'මේරි' තාරුණ්‍යයේ හාපුරා ප්‍රේමය සහ කන්සාව මැනවින් චිත්‍රිත රමණීය කතා ගෙත්තමකි.බර්ලිනයේ නවාතැන් නිවසක ලැගුම්ගෙන සිටින අතිශයින් වෙනස් චරිත ලක්ෂණයන්ගෙන් හෙබි,රටින් පලා ආ,රුසියානුවන් පිරිසක් අතර වෙසෙන ලෙව් ගානින් තම අතීත ප්‍රේම බන්ධනයේ මතක මිහිරි ස්මරණය කරයි.මේරි පිළිබඳ ඔහුගේ මතකයන් පූර්ව විප්ලවීය රුසියාවේ ගම්බද පරිසරය පදනම් ව තුරුණු ප්‍රේමයේ නවමු බව විශද කරමින් දිගහැරෙයි.යාබද කාමරයේ වෙසෙනුයේ තම ප්‍රථම පෙම්වතියගේ විවාහක සැමියා බව ඔහුට අනපේක්ෂිතව අනාවරණය වෙයි.