"සඳවතිය අහසේ කිසිදිනක නැවත නො පායන බව මා දැන දැන් මේ ගෙවෙන්නේ සිව්වන වසර ය. ඇගේ සොහොන ළඟ වසරකට වරක් රමණයේ යෙදෙනු වස් පැමිණෙන මේ අමාවක රාත්‍රීය මා නැවත වරක් ඇය හා ප්‍රේමයෙන් වෙළන සහේතුක කරුණක් වී ඇත.

ඇය නැතිව ඇය හා කරන මේ ආත්මීය ගනුදෙනුවට මම නැවත නැවත ප්‍රේම කරමි. මේ මිනී මල් සුවඳට මම ප්‍රේම කරමි. මේ තරු නැති රාත්‍රීන්වලට මම ප්‍රේම කරමි. මේ සියල්ලටම වඩා ප්‍රේමය සඟවා ගෙන වැළලී සිටින ප්‍රේමයේ නිදි දෙව්දුවට මම ප්‍රේම කරමි. '