රන්කරුවාගේ ශරීරය හැරෙන්නට වෙනත් කිසිදු මෘත ශරීරයක් මෝචරිය තුළ නොවීය. මිය ගොස් දිනක් ද ඉක්මවා තිබුන නිසා සමේ වර්ණය අඳුරු පහ ගනිමින් තිබිණ. ආදී හයක් පමණ උස ශරීරය සහ පුළුල් ශක්තිමත් උරහිස් ඔහු ශක්ති සම්පන්න පුද්ගලයෙකු බව කියා සිටියත්, පිලිස්සී ගොස් තිබූ මුහුණින් පලවූයේ ඊට හාත්පස වෙනස් ප්‍රතිරූපයකි. මේ තරමටම පිලිස්සී ගිය මුහුණක් මම මීට පෙර දැක නොතිබූණෙමි. බෙල්ලෙන් ඉහල මුහුණේ සම, හිසකෙස්, සියල්ලම පිලිස්සී ගොස්ය. මතු වූ හිස්කබල ද අපාට වී ගොස්ය. හිස්කබලේ මැද සිදුරුව තිබුණේ වෙඩි උණ්ඩයෙනි. මේ බියකරු දර්ශණය දෙස මොහොතක් බලා සිටි හෝම්ස් ගේ අවධානය වැඩිපුර යොමු වූයේ මෘත ශරීරයේ දෙඅත් සහ දෙපා වෙතය. ඔහුගේ මුහුනින් පිළිබිඹු වූයේ ඉතා බැරැරූම් ප්‍රෙහේලිකාවකට මැදිවී ඇති බවයි.