ලෝක ප්‍රකට ගුවන් නියමුවෝ වූ අර්නෝල්ඩ් යුවළ අප්‍රිකාවෙ දී අතුරුදහන් වූහ.මයික්,ජැක්,නෝරා සහ පෙගී තම මවුපියන් ගැන කනස්සලු වෙද්දී ඔවුන්ගේ සහායට පැමිණියේ බාරෝනියාවේ රජ කුමරු පෝල් ය.කුමරුගේ ගුවන් යානයෙන් අප්‍රිකාවට යන්නට බාරොනියනුවෝ දෙදෙනෙක් වූ පිලෙස්කියු හා රන්නි ද ඔවුනට එක් වූහ.අප්‍රිකාවේ දී මුෆුමු නමැති ගෝත්‍රික ළමයාගේ උපකාර ද මෙම පිරිසට ලැබිණි.අර්නෝල්ඩ් යුවළ සොයා පිරිස ගමන් කරන්නේ කහ පැහැති අබිරහස් කන්දකට ය.නොසිතූ ආකාරයෙන් ඔවුහු කන්ද ඇතුළත විසූ ගෝත්‍රිකයන්ගේ සිරකරුවෝ බවට පත් වූහ.අර්නෝල්ඩ් යුවළ ද බේරාගෙන අනෙක් පිරිසට ගෝත්‍රිකයන්ගෙන් ගැලවී යන්නට හැකි වේවි ද? පෝල් කුමරුන් හිරු දෙවිඳුට බිලි දෙන්නට ගෝත්‍රිකයන් සූදානම් වෙද්දී අනෙක් ළමයි ඔහු බේරා ගන්නේ කෙසේ ද?