අග‍්‍රගණ්‍ය ඉංගී‍්‍රසි ලේඛකයෙකු වූ ආර්. කේ. නාරායන් විසින් රචිත he Vendor of Sweets කෘතියේ සිංහල පරිවර්තනයයි.
ආර්. කේ. නාරායන් විශ්ව කීර්තිධර විශිෂ්ට ගණයේ ඉන්දියානු ලේඛකයෙකි. ඔහු විසින් රචිතව පළ කරන ලද ග‍්‍රන්ථ සංඛ්‍යාව විශාලය. ඔහු, විසිවන ශත වර්ෂයේ භාරතීය ජන ජීවිතය විනිවිද දුටු ශූර කතාකරුවෙකි. ඉන්දියානු ගති ලක්ෂණ සහ චාරිත‍්‍ර විධි ප‍්‍රකට කළ ඔහු, සිය කතාන්දරවලට පසුබිම් කර ගත්තේ ‘මල්ගුඩි’ නම් වූ කල්පිත නගරයකි. මල්ගුඩියේ තැපැල් හල, දුම්රිය ස්ථානය, කඩවීදිය, ගස් සෙවණේ සෙරෙප්පු නිෂ්පාදනාගාරය සහ එ්වායේ නිරත වන අය පූර්ණ ගැමියෝය. එ් අයගේ හෘදයංගම බව, පරාර්ථකාමීත්වය මෙන්ම කපටිකම්, ආත්මාර්ථකාමී බව ආදී ගතිගුණවලට නාරායන් මුසු කරන්නේ සියුම් උපහාස රසයකි.