මෙහි භාවිත බස් වහර සරල ය. සුගම ය. පද්‍යයන් ද ප්‍රසාද ගුණයෙන් යුතුය. ක්‍රියකාරක පද සම්බන්ධය නිරවුල්ය. එනිසා ආධුනිකයකුට වුවත් කියවා තනි ව ම අර්ථවබෝධය කළ හැකිය. සිංහල වෘත්ත ලක්ෂණ අනුගමනය කරමින් ප්‍රබන්ධිත පද්‍යයන් ශ්‍රැතිරම්‍යතාවෙන් අනූන ය. පාලි පද්‍යයන්ද සමීපයෙහි ම පවත්නා හෙයින් ශාස්ත්‍රීය අධ්‍යයනයක් සදහා වුවත් යෝග්‍යය. බෞද්ධයාගේ අත්පොත වශයෙන් හැදින්වෙන ධම්මපදයේ ඉගැන්වීම් අධ්‍යයනය කිරීමට රුචි වූ සැමට පමණක් නොව කාව්‍ය රසාස්වාදයේ රුචිය ඇත්තවුන්ගේ ද මනදොළ පිනවීමට සමත් අතිශයින් ප්‍රයෝජනවත් කෘතියක් වශයෙන් මෙය හදුන්වා දිය හැකිය.