මෙතෙක් කල් රොබෝවරුන් විසින් සෑම ඉරියව්වක් ම පාලනය කරනු ලැබූ ලොවක සිටි මම බැදීම්වලින් තොරව, රොබෝවරුන් ගේ රතු හා නිල් පාට විදුලි ඇස්වල බැල්මෙන් තොරව, නිමේෂයක් පාසා ඇසෙන බීප් හඩේ කන්කරච්චලයෙන් තොරව, ඇගිලි තුඩු අගිස්සේ නැටෙනා බොත්තම්වලින් විනර්මුක්තව, නූල කඩාගත් සරුංගලයක් සේ පාවෙමින් සිටින්නෙමි. යකඩ මිනිසුන් ලවා මා ගේ ඉරියව්ව පාලනය කරනා කැල්වින් ලා මෙහි නැත. මෙය කෙතරම් නිදහස් ලෝකයක් ද? ඇල්බර්ටා විසින් දිගු කලක් සොය සොයා සිටි මා ගේ ම නිදහස කරා නොවේද? ජාත්‍යයන්තර මාධ්‍යවලින් හඩ ගා කියැවෙනා ආසියාකරයේ ගරා වැටුණු කොදෙව්වක් වූ තම්බපණ්ණිය මට මේ සා ප්‍රීති ප්‍රමෝදයක් අත්කර දෙන්නේ ඇයි? ක්‍රිෂ්ණා කියා දුන් ශුන්‍යතාවය නැමැති සිතේ ඇතිවන ප්‍රීති ප්‍රමෝදය මෙය විය නොහැකිද?