" ඉස්සර මීගමුව ප්‍රමාද වී අදුර ගලන දුම්කොළ ටවුමක්, බයිසකෝප් ටවුමක් ,කැවුම් ටවුමක් හා ලෑතර ටවුමකි. එහි සිටි කිසිවෙකුට දුම්කොළ ගන්ධය මග හැර සිටින්නට නොහැකි විය. දුම්කොළ තෝරන පොල් අතු මන්දිර අතිවිශාල ඒවා වූ අතර කිසියම් නිහතමානීකමකින් යුතුව පාරට බෑවුම් වන ලොකු වහලින් යුතු විය. කැවුම් හා ලෑතර තිබුනේ එළවලු මාකැට්ටුවේ විවෘත දොරකඩය. චීත්ත ඇද ගත් ගැහැනු වට්ටි හට්ටි හා බෝතලවල දමා ගෙන ඒවා විකුණූහ.
හිටිහැටියේ සියල්ල වෙනස් විය. බීඩි බීම හා දුම්කොළ කෑම නතර විය. අංගුලිමාල පෙන්වා විවෘත කර තිබුනු රාජ් හෝල් ගිනි තබන ලද අතර රීගල් නඩරාජා හා මී පුර තියටර් එක පස එක වැසී ගියේය. රැක්මනී හදිසි රිය අනතුරකින් මිය ගියාය. මයියොක්කා හේනේ සිදු කරන ලද භූමිදානය වෙනුවෙන් අතිවිශාල ජනකායක් එක්රොක් වුනු අතර මහ නගර සභාවට පැමිණි මොහිදීන් බෙග් බුද්ධං සරණං ගීය ගායනා කරන්නා සේ හඩ නගා ඇඩුවේය. ඉන්පසු මීගමුව ටවුම වෙනුවෙන අඩන්නට කදුළු නැති විය. "

කතුවරයාගේ විෂය මතුපිටින් ව්‍යාකූලත්වයේ දෘෂ්‍යමානය විසින් සඟවා ගනු ලැබීමට අතිරේකව , ආකෘතික හරඹ ලෙස ඉදිරිපත්වන ශානරීය අන්ධභාවය හා සාහිත්‍ය කලා මෙන්ම ලලිත කලාද සංකලනය කෙරෙන ශානරයන්ගේ බාල කලවම පමණක් ඉල්ලා සිටින සමකාලීන සමාජ යථාර්ථයයි.