පුතෙක් හම්බුනොත් භාග්‍ය කියල දාමු.ඒක කාලයක් තිස්සේ මගේ හිතේ ඇදිච්ච නම...ඇරත් අවුරුදු හතකට පස්සේ ලැබෙන දරු පැටිය භාග්‍යම තමයි.ලස්සන නම..පුතෙක් හම්බුනොත් භාග්‍ය..දුවෙක් හම්බුනොත් භාග්‍යා..අනාගත දරු පැටවාගේ නමට ඌන පූරණයක් කරමින් චන්ද්‍රානි කුස පිරිමදින්නට වූවාය.''ආ..ඒක නෙමෙයි ලලී..මට ඔයාට කියන්න බැරිවුණානේ අද මේකා මට පයින් දමල ඇන්නනේ.''

''කෝකද..?''මේ බඩේ ඉන්න පුංචි චන්ඩියා තමයි.එහාට මෙහාට දඟල දඟල ඉන්න ගමන් එකපාරටම පයින් ඇනපි තමයි..''චන්ද්‍රානි කොක් හඬලා සිනාසුණාය.