Description
Reviews (0)

'' ඇස් දෙක පියාගෙන කොහොමද ඕයි තමුසෙව ඇදල ගන්නේ ? තමුසේ කොච්චර බරද කියලා දන්නවද? ඒ මදිවට තව මළකුණකුත් එල්ලගෙන .. මට හිතුණොත් මං කඹේ අතෑරලා යනවා යන්ඩ ...''

නිරුවත් ලලනාවක සමීපයෙහි සිටිය වෙනුවද නුරාවෙන් නොව කෝපයෙන් දැවෙමින් ඔහු කෑගැසුවේය.

'' ඉතිං අතාරිනවා .. අතෑරලා යනවා. මං මේක ඇතුළේ මැරෙන්නෑ . කොහොම හරි උඩට එනවා. දවස් කීයක් ගියත් කමක් නෑ . ඇය වහසි බස් දොඩනා'තර ඔහුගේ මුවග අවඥාබර සිනාවක් නැගිණ .

''ඔව් ඔව් ... දවස් ගානක්.. ඉඳියි.. තමුසේ ඉතුරු වෙයි ඕක අස්සේ... තමුසෙ මැරෙන්නේ බඩගින්නේ .. කන්ඩ බොන්ඩ දෙයක් නැතුව..''

මෙවර ඇගේ මුව කොණ ඇදවිය .

''මං නං බඩගින්නේ මැරෙන්නෑ ''

'' නෑ .. නෑ .. තමුසෙට අහසින් වැටෙනවා කෑම බීම... ගොං කතා කියන්ඩ එපා. ..'' පහළ නිරුවත් තරුණියද ඉහළ ඇඳුම් ඇඟලාගෙන හුන් තරුණයාද බහින්බස් වූයේ පාසල් වියේ කුඩා දරු දැරියන් මෙනි.

''මැරිච්ච සතා හරි කාලා මං බඩපුරවා ගන්නවා. මේ බොරවතුර බීලා හරි මං මැරෙන්නේනැතුව ඉන්නවා."

ගැබ කලලය දරන්නට...බල කලාවූ දන්ඩන කදවුරක

ඇයට ඇයම වන්නට..ඉඩහසර නොදෙන වග

යලි යලිත් පසක් කරන කල..කූර යක්ශනියක මිසක...

ගැහැනියක් වී කුමට.."