ලේඛකයකු හා ප්‍රචාරකයකු වශයෙන් කටයුතු කල ජෝන් රීඩ් ඇමෙරිකා එක්සත් ජනපද කොමියුනිස්ට් පක්ෂයේ ආරම්භක සාමාජිකයෙකි. ඔහු ලියු මෙම පොත ප්‍රථම වරට එක්සත් ජනපදයේදී ප්‍රකාශයට පත්කරන ලද්දේ 1919 දී වන අතර 1923 දී එය රුසියන් බසින් සෝවියට් දේශයේ දී පල කරන ලදී. එහි නැවත නැවත විශාල පිටපත් සංඛ්‍යාවක් මුද්‍රණය කිරීම සිදුවීම විශේෂයෙන් සදහන් කල යුතුය.ප්‍රථම වර ප්‍රකාශනයේ හා රුසියන් මුද්‍රණයේ පූර්විකාව ලියන ලද්දේ වී. අයි  ලෙනින් සහ නදෙස්දා කෲප්ස්කයා විසිනි. වාස්තවික තත්වයන් විශ්ලේෂණයේදීත් , ගැඹුරු අදහස් සරලව ප්‍රකාශනය කිරීමේදීත් අපූර්ව ශක්තියක් තිබූ අසාහය
නායකයෙකු ලෙස ජෝන් රීඩ් විසින් ලෙනින්ව හඳුනාගෙන තිබිණි. ජෝන් රීඩ් ගේ ලොවම සසල කළ දස දවස මිනිස් ඉතිහාසයේ නව යුගයක් විවර කළ ජයග්‍රාහි රුසියන් සමාජවාදී විප්ලවය පිළිබඳව සැබෑව ලෝක සාහිත්‍යයට එකතු කළේය.