ඕනෑම වයසක දූ පුතුන්ට රස විඳිය හැකි අගනා ළමා ගීත 14 ක් මෙම කෘතියට ඇතුළත් ය. මෙම ග්‍රන්ථය, අධ්‍යාපන අමාත්‍යාංශයේ අංක අග්‍රප්‍රඋම/2/10251 දරන බලපත්‍රය යටතේ පාසල් පුස්තකාල පොතක් ලෙස අනුමත කර ඇත.

සෑම ගීතයක් වෙනුවෙන් ම එහි අර්ථයට ගැළපෙන පරිදි ප්‍රවීණ චිත්‍ර ශිල්පී, ආචාර්ය ජයසිරි සේමගේ සූරීන් විසින් අඳින ලද සිතුවමක් මගින් කෘතිය අලංකාර වේ.

ආචාර්ය රෝහණ වීරසිංහයන් ප්‍රමුඛව, ආනන්ද වීරසිරි, ලක්ෂ්මන් විජේසේකර, සංගීත් නිපුන් මංජුලා සෙනෙවිරත්න, රුවන් එස්. ජයසේන, විශාරද ඉරංගා සමින්දනී වීරක්කොඩි, විශාරද උදය පුෂ්පකුමාර, විශාරද සරත් පීරිස්, විශාරද පුබුදු නුවන්තී හේවගේ, තුසිත ඉඩමේගෙදර යන ප්‍රවීණ සංගීතඥයින් දස දෙනෙක් විසින් ගී තනු නිර්මාණය කර ඇත.

මෙම කෘතියෙහි සෑම ගීතයකට ම අදාළ ස්වර ප්‍රස්තාර ද ඇතුළත් කොට ඇති හෙයින්, සංගීත විෂය හදාරන සහ එයට ඇලුම් කරන දරුවන්ට ප්‍රායෝගිකව මෙම ගීත ගායනය කොට හෝ වාදනය කොට රසවිඳිමින් ම පුහුණු විය හැකි ය.