”ආදරේ ඇවිත් හදවතේ දොරට තට්ටු කරන කොට ඔය කියන සීමාවන් මතක් වෙන්නෙ නෑ මිත‍්‍රයා. අන්ධයෙකුට මලක් දීලා මේක ලස්සන රතු රෝස මලක් කිව්වට අන්ධයා රතු රෝසමලේ ලස්සන දකින්නෙ නෑ..”
- බාසුරු
”මේ වැල්ලෙ තියෙන වැලි කැට ඔක්කෝම උඹේ ඔඩොක්කුවට දාගනින්. හැබැයි එකක් මතක තියා ගනින් මුතු ඇට අයිති මටයි.”
- තෝමස්
”මේක මගේ කරුමෙ. නැත්නම් අතට පයට වැඩකාරයො එක්ක මාළිගාවක කුමාරියක් වගේ උන්නු මං වැල්ලට ඇවිත් වැටේවියැ.? ගේ ඉස්සරහ දාපු ගෝනි කඩමාල්ලෙ හැම එකාම ඇවිත් කකුල් පිහ දානවා වගේ කාගෙ කාගෙත් පව් මගේ කර පිටින් යාවියැ?”
-රූපවතී
”අම්මා කෙනෙකුගෙ, කොටින්ම ගෑනු පරාණයක ආදරේ විඳින්නෙ නැතිව හැදිච්ච වැඩිච්ච මම රළු මිනිහෙක් කියලා සමහර විට සුබා හිතනවා ඇති. අම්මෙක් සහෝදරියක් නැතිව තනි වෙච්චි මං හැමදාම දුක කිව්වෙ මුහුදට. කවුරුවත් මං කියන දේට ඇහුන්කන් දුන්නෙ නැති වුනාට මුහුද මං කියන දේ අහගෙන හිටියා. ”
- ඩග්ලස්
”එකෙක් පරද්දගෙන එකෙක් ඉස්සරහට යන්න දුවන මේ ජීවිත රේස් එකේ නවීන දෙමාපියන්ට විතරක් නෙමෙයි හැම එකෙක්ටම දරුවො ගැන හොයන්න එක්කො උවමනාවක් නෑ. එහෙම නැත්නම් වෙලාවක් නෑ. ඒක තමයි අපේ ජාතියේම ඛේදවාචකය.”
- රියදුරු සිල්වා
හැබැයි ඉතින් එකක් මතක තියා ගනින්. මුදලාලිගෙ දැලට තෝරු මෝරු විතරක් නෙමෙයි. හාල්මැස්සොත් අහු වෙනවා.
- සාලයා
බල්ලන්ට පිස්සු හැදුනම උගේ ස්වාමියා අඳුනන්නෙ නෑ කියනවනේ. මට බය ඒකයි.
- ඇග්නස්