"සර්ට මම හොද කතාවක් කියන්නම්"
දෙවන සිගරට්ටුවද දල්වා ගනිමින් චීනා නැවත දොඩමළු විය.
1969 ලංකාවෙ ලොකුම මංකොල්ලය සතොස මංකොල්ලයයි.මේක ප්ලෑන් කලේ කියුටෙක්ස් පියදාසයි"
කියුටෙක්ස් පියදාස යනු හැට හැත්තෑව දශක වල කොළඹ අපරාධ ලෝකය හොල්ලාගෙන සිටි චරිතයකි. ප්‍රධාන ගණයේ මංකොල්ලකෑම් සැලසුම් කිරීමෙහි ලා කියුටෙක්ස් පියදාස සතු වූ හැකියාව ඉතා විශිෂ්ට විය.වරාය කම්කරුවෙකු ලෙස ජීවිතය අරඹා සිටි පියදාස විසින් සිදු කරන ලද පළමු හොරකම වී ඇත්තේ වරායේ බඩු ගබඩාවක් කඩා භාණ්ඩ සොරකම් කිරීමකි. මෙම ගබඩාව බිද ඔහු සොරාගෙන ඇත්තේ කාන්තාවන් රූපලාවණ්‍යය කටයුතු සදහා භාවිතා කරන කියුටෙක්ස්ය. මේ හේතුවෙන් පියදාස අපරාධ ලෝකයේ බවුතීස්ම ලබා ඇත්තේ "කියුටෙක්ස් පියදාස" ලෙසය.

"නියෝජ්‍ය පොලිස්පතිවරයෙකු වශයෙන් ලැබූ අත්දැකීම් ඔස්සේ රචනා කරන ලද කතා මාලාවකි "