විශේෂයෙන් සමාජ විද්‍යාත්මක පර්යේෂණ වගකීමකින් තොරව ඉටු කල නොහැකිය.එය මනාව වටහාගෙන ලියා ඇති මෙම ග්‍රන්ථයයේ පර්යේෂණ මුලධර්ම, දත්ත එක්රැස් කිරීමේ ක්‍රම, දත්ත විශ්ලේෂණය හා සහභාගීත්ව නිරීක්ෂණය ඇතුළු එම විෂයයට සම්බන්ධ නවීන පර්යේෂණ පිළිබද වැදගත් තොරතුරු දක්වා තිබීම පාඨක ප්‍රයෝජනයට ඉමහත් සේවයක් වේ. මේ අලුත් මුද්‍රණයේ පර්යේෂණ පිළිබද සෑම වැදගත් තොරතුරක්ම එකතුකොට තිබීම නිසා පොතේ වටිනාකම වැඩි දියුණු කරන්නේය. සමාජ විද්‍යාව හා මානව විද්‍යාව පිළිබද දශක හතරක පමණ කාලයක් තුළ ලබා ගත න්‍යායික හා ප්‍රායෝගික දැනුම ඉවහල් කරගෙන සංගෘහිත වී ඇති මෙම පොත විශ්වවිද්‍යාලවල සමාජ විද්‍යාව ඇතුළු සමාජ ශාස්ත්‍ර විෂයයන් සදහා උපාධියට පෙනී සිටින අයට පමණක් නොව , සංවර්ධන ප්‍රතිපත්ති සැලසුම් කරන හා ක්‍රියාත්මක කරන අයටද සාමාන්‍ය පාඨකයනට ද ඉතා ප්‍රයෝජනවත්ය.