රාමසාන් සඳ බලන්න පාතිමාට එන්න දෙන්න 

මොහොමඩ් නුඹ එපා තවත් මා දෙස ආලෙන් බලන්න 

කහ පාටින් තරු පායා ඇත අහසේ බලන්න 

අඩ සඳ ළඟ තරුව මමද හැකි නම් මට කියා දෙන්න 

ෆර්දාවෙන් හිස වසාන බුර්කාවක් දරාගන්න 

කවදාවත් බැරි වේවිද එහෙම නැතුව ළඟින් ඉන්න 

හඳ එලියට හැකි නම් ලොව එක යායක් සේ දකින්න  

හිරු එළියෙන්  මෙතරම් බැමි කොහොම පේනවද කියන්න

ලෝකයටම පෙනෙනා ලෙස මගේ ළඟින් වාදී වෙන්න 

පන්සල පල්ලිය අතරේ හැකිද ඉඩක් හොයාගන්න 

මිනි ගවුමට ගැලපෙන්නට ෆර්දාවක් අරන් එන්න 

සිංහල පාතිමා වෙලා එක දවසක් ඉන්න දෙන්න