හිටපු තරුණයා ප්‍රධාන කර්තෘ රොඩ්නි විදානපතිරණ විසින් තරුණයා පුවත්පතට රචනා කරන ලද සංචාරක ලිපි එකතුවක තෙවැන්න ලෙසින් මුද්‍රණය වන “සංචාරක සටහන් -3“, ශ්‍රී ලංකාවේ ප්‍රකට මෙන්ම අප්‍රකට සොඳුරු ස්ථාන සොයා ගිය ගමනක තෙවැනි අත්දැකීමයි. අත්දැකීම් සමුදාය දුෂ්කර වුවත් පළමු සහ දෙවැනි කෘතීන් ඉතා සොඳුරු ආකාරයෙන් පාඨකයා බාර ගැනීමත්, කිහිපවරක්ම එය මුද්‍රණය කිරීමට සිදුවීමත් නිසා ප්‍රකාශයට පත්වන මෙහි තෙවැන්න “සොඳුරු සැරිසර“  ලෙසින්ද හැඳින්වේ.මේ වන විට ලංකාදීප පුවත්පතේ විධායක මාධ්‍යවේදියෙකු ලෙස සේවය කරන රොඩ්නි විදානපතිරණ, ජනප්‍රිය ගී පද රචකයකු,චිත්‍රපට අධ්‍යක්ෂකවරයකු මෙන්ම ජ්‍යෙෂ්ඨ ටෙලිනාට්‍ය අධ්‍යක්ෂවරයකුද වන්නේය.