තමන් ජීවත් වෙන්නේ මොන අවුරුද්දෙද, කතා කරන්නේ කා එක්ක ද කියලා අමතක වන සීයා, දෙවන ලෝක යුද්ධය කාලේ හිතින් ජීවත් වෙමින් එයාගේ මුණුපුරා වෙච්ච ජැක්ට තමන් කරපු ගුවන් ප්‍රහාර ගැන වීර කතා කියනවා. එ්ත් සමහර වෙලාවට එයාට ජැක්ගෙ නමත් අමතකයි. සීයා හිටිගමන් කරන්නේ පුදුම වැඩ. සුපිරි වෙළඳ සංකීර්ණයේ බඩු ගෙනියන කරත්තයකට පැනලා පිටි පැකට් වලින් බෝම්බ දාන්න ගිහින් සීයාට ජීවිතේටම ඒකට එන්න තහනම් වෙනවා. දුෂ්ට පාලිකාවක් ඉන්න මහලු නිවාසයක හිර වෙන්න සිද්ධ වුනා වගේම ජැක් තමන්ගේ ආදරණීය සීයාව එතනින් බේරගෙන පැනලා යනවා විතරක් නෙමෙයි රාජකීය යුධ කෞතුකාගාරයෙන් ස්පිට්ෆයර් ගුවන් යානයක් හොරෙන් අරන් දෙන්නා එක්ක ඒක පදවාගෙන යනවා.