අම්මා සිය ජීවිතයේ ප්‍රීතිමත් කාලයේ කතා මා සමඟින් පැවසුවේ කුඩා මා උකුළෙහි රඳවා ගනිමිනි.මාගේ මව ධනවත් බලවත් පරම්පරාවකට හිමිකම් කියන තැනැත්තියකි. ඇයගේ මිත්තනිය ඉංග්‍රීසි ජාතික රදළ කාන්තාවකි.ඇය වික්ටෝරියා මහා රැජිණගේ අතට ඇත දී මල් කළඹක් පිළිගන්වා ඇත.මාගේ මව අඩක් බිහිරි තැනැත්තියක් උවද ඇයගේ පියා නළලට දෙතොල තබමින් මහන්සිය නොබලමින් ඇය හා කතා කළ හෙයින් ඇය වචන ශබ්ද කිරීමට උගත්තාය.සොළොස් වියට පත් ඈ වළා දෙවඟනක් මෙන් රූමත් වූවාය.කොළඹ ඇති ඔවුන්ගේ සුවිශාල මන්දිරියට දිවයිනේ නොයෙක් පළාත් වල ප්‍රභූ පවුල් වෙතින් විවාහ යෝජනා ගලා ආවේය.එහෙත් ඇයගේ සුන්දර දෙනෙත යොමු වී තිබුණේ පහත් පන්තියේ සල්ලාලයකු වෙතය.ඒ ඇය ගේ පියාගේ නිවසේ සේවය කළ මෙහෙකරුවකුගේ පුතෙකි