සුළි සුළඟ නවකතාවට පසුබිම් වන්නේ, 80 දශකයේ මුල් කාලයේදී රත්නපුර ප්‍රදේශයේ ජන ජීවිතයේ එක්තරා පැති කඩකි. රත්නපුර ජනතාවගෙන් බහුතරය ගොවිතැන සහ මැණික් පතල් කර්මාන්තය ජීවනෝපාය කර ගත්තෝ වෙති. 80 දශකයේ ආරම්භය වූ කලී, අපේ රටේ සමාජ, ආර්ථික, දේශපාලන පෙරළියක් සිදුවූ කාලයකි. මේ පෙරළියට, ගොවිතැන් කටයුතු වලත්, පතල් කර්මාණ්තයේත් යෙදුණු ගැමි ජනතාව මෙන්ම මැණික් ව්‍යාපාරිකයින්ද මුහුණ දුන්නේ බොහෝ දුෂ්කරතා, අභියෝග, බාධක මැදය. සුළි සුළඟ, එවන් මිනිසුන්ගේ කතාන්දරයේ අංශු මාත්‍රයකි.