වලහා සහ රෑ කොවුලා (The Bear and the Nightingale)
නවකතා ත්‍රිත්වයේ පළමු ග්‍රන්ථය ඔබට වසිලීසාගේ ලෝකය හඳුන්වා දෙයි. ලේස්නයා සිම්ලියා නම් රුසියාවේ උතුරුකරයේ ඇති සුන්දර වනාන්තර ගම්මානය ඉපදී හැදී වැඩෙන වාස්යා සිය පවුලට මහත් ආදරයක් දක්වයි. ඇගේ කුඩම්මා ඇගේ දිවිය අප්‍රසන්න කළත් ඇය ඇගේ පියාට, අයියලාට, අක්කාට, නැගණියට මෙන්ම කුඩා කල සිට ඇයව හදා වඩාගත් ආයාට ආදරය කරයි. කුඩා කාලයේදීම තමන් අනිත් මිනිසුන්ගෙන් වෙනස් බව වාස්යා වටහා ගනියි. ඇයට සාමාන්‍ය මිනිසුන්ට නොපෙනෙන, සාමාන්‍ය මිනිසුන්ට කතන්දරවල චරිත පමණක්ම වෙන අමනුස්ස ආත්ම (චියර්ති) දිස් වෙයි. ඇගේ මෙම වෙනස, ඇය වයසින් වැඩෙත්ම සහ ඇගේ ගම්මානයට පැමිණ එහි ජන ජීවිතය සම්පූර්ණයෙන් වෙනස් කරන දේවගැතිවරයකු හමුවේ ඇයට ප්‍රශ්න රැසක් ඇති කරයි.