එක් එක් ලේඛකයන් තම නිර්මාණ ගමන් මඟට ප්‍රවේශය ලබා ගන්නා විවිධ ක්‍රම තිබේ. එය අරුත්බර වදනක්, සිහිනයක්,නෝක්කාඩු බැල්මක්, හිරු කිරණක්, වියෝවක්, තවත් අයකුගේ නිර්මාණයක් ඈ ඕනෑම දෙයක් විය හැකිය. මේ සිතිවිලි වරෙක වැව් දිය මෙන් නිහඬ ය; ශාන්ත ය. තවත් වරෙක සැඬ කුණාටුවක් වැනිය. වරෙක අපමණ මෘදු ය; තවත් වරෙක විස කැවූ ඊතල මෙන් හදවත පාසාරු කරන්නේ ය. ඒ කුමක් වුවත් එය ගසක අලුතෙන් හට ගන්නා ඵලයක් මෙන් නැවුම් ය.