හන්ගේරියානු සම්භවයක් සහිත ආර්ජන්ටීනියානු ජාතිකයෙකු වන ෆෙදරිකෝ අන්දහාසි, ලතින් ඇමරිකානු පශ්චාත් නූතන පරපුරේ කැපී පෙනෙන ලේඛකයෙකි. මෙම කෘතිය, ඔහු විසින් රචිතThe Anatomist කෘතියේ සිංහල පරිවර්තනයයි.
ලෝකයේ ප‍්‍රධාන පෙළේ භාෂා තිහකට වැඩි ගණනකට පරිවර්තනය කෙරී ඇති ඔහුගේ සාහිත්‍ය කෘති අද විචාරකයන්ගේ නොමඳ සැලකිල්ලට යොමු වෙමින් ඇති බව පෙනේ.
16 වැනි සියවස පාදක කරගෙන ලියැවී ඇති මෙම නවකතාව කලක් මහත් ආන්දෝලනයට තුඩු දුන්නේය. කි‍්‍රස්ටෝපර් කොලම්බස් විසින් 1492 දී භූගෝලීය ලෝකයේ ඇමරිකාව ‘සොයා ගැනීම’ සමඟ සසඳමින්, ඊළඟ සියවසේදී මැතියෝ කලම්බු නමැති වෛද්‍යවරයා ‘සොයාගත්’ නව ව්‍යවච්ෙඡ්ද ලෝකයක අපූරුව කතුවරයා අප හමුවේ නිර්මාණය කර්නනේ, සැබෑ ඉතිහාසය සහ ප‍්‍රබන්ධ කලාව ඉතා සියුම්ව සංකලනය කරමිනි. මෙය ඔහු ලියූ පළමු නවකතාවයි.
දහසය වැනි සියවසේ ඉතාලියේ විසූ වඩාත් සුප‍්‍රකට ශල්‍ය වෛද්‍ය මැතියෝ කලම්බු, මිථ්‍යා දෘෂ්ටිය නමැති චෝදනාව යටතේ දඟගෙට වැටෙයි. ඔහු කළ වරද වුණේ, ඔහුට සමාන නමකින් යුත් කි‍්‍රස්ටෝපර් කොලොම්බස් විසින් ඊට ටික කලකට මත්තෙන් ලෝක සිතියමේ ඇමරිකාව නමින් නව දේශයක් සොයාගනු ලැබුවා සේ, ඔහු විසින් ගැහැනියගේ සිරුරේ නව මානයක් සොයා ගැනීමයි......
යුරෝපා පුනරුද යුගය තුළ භූගෝලීය සහ කලාත්මක වශයෙන් පමණක් නොව, ලිංගික වශයෙන් වන පිබිදීමක්ද හටගත් බව ෆෙදරිකෝ අන්දහාසි මේ හරහා අපට පෙන්වා දෙයි. ගබ්රියෙල් ගාර්සියා මාර්කේස්ව පහසුවෙන් සිහිගන්වන මේ අපූරු නවකතාව සාරවත් අඩුවැඩියෙන් අනූනයි; ඉතිහාසය, ලිංගිකත්වය සහ ආගම සමඟ සරදම එහි නොමඳව මුසුව තිබේ.